Intro
Kurdisk • کردی

مافی هه‌رکه‌س

©Tore Wuttudal/Samfoto©Tore Wuttudal/Samfoto

مافی هه‌رکه‌س ئه‌و ڕێگه‌یه‌مان پێ ئه‌دات که‌ بتوانین ئازادانه‌ له‌ ده‌ره‌وه‌ له‌ناو سروشتدا بمێنینه‌وه‌. مافی هه‌رکه‌س گرنگه‌ بۆ هه‌ڵمژینی هه‌وای ئازاد له‌ نه‌رویجدا. مافی هه‌رکه‌س مافی ئه‌وه‌مان ئه‌داتێ که‌ بچین بۆ پیاسه‌ له‌ ناو دارستان و چیا، بچین بۆ شی له‌ مه‌زراکان له‌ زستاندا و به‌ پایسکل و ئه‌سپ به‌ ڕێگه‌ و بانه‌کاندا بچین. مافی هه‌رکه‌س به‌کارهێنانی ئۆتۆمۆبیل و ماتۆڕ ناگرێته‌وه‌.

مافی هه‌رکه‌س له‌ بنه‌ڕه‌تدا ته‌نها زه‌وی نائاوه‌دان (چۆڵه‌وانی) یان ئاوه‌دان گه‌ر سه‌هۆڵگرتوو یان به‌ به‌فر داپۆشراو بێ ئه‌گرێته‌وه‌. زه‌وی نائاوه‌دان‌ واته‌ ئاو، که‌ناری ده‌ریا، زۆنگاو، دارستان و چیایه‌ له‌ نه‌رویج. مه‌زرا یان زه‌وی ئاوه‌دان واته‌ زه‌وی کێڵان، باخچه‌، مه‌زرا و خانوی به‌جێماو. هه‌روه‌ها ئه‌بێ بزانین که‌ مافی چوونه‌ ناو موڵکی خه‌ڵکی ترمان نىیه‌.

له‌ چۆڵه‌وانیدا ئه‌توانین ئازادانه‌ به‌ پێ و شی بچین و دابنیشین له‌ هه‌ر جێگه‌یه‌ک بمانه‌وێت. ئه‌توانین له‌ژێر ئاسمانی کراوه‌ یا ژێر چادر شه‌وانه‌ بمێنینه‌وه‌. به‌ڵام نابێ له‌ 150 مه‌تر نزیکتری خانوو یان کوخێک بین. ئه‌گه‌ر بمانه‌وێ له‌ دوو شه‌و و ڕۆژ زۆرتر له‌ شوێنێک بمێنینه‌وه‌، ئه‌بێ داوای ڕوخسه‌ت له‌ خاوه‌نی ئه‌سڵی ئه‌و شوێنه‌ بکه‌ین.

کاتێک مافی هه‌رکه‌س به‌کارئه‌هێنین، ئه‌رکیشمان هه‌یه‌. نابێ ئاژه‌ڵ یا سروشت بریندار بکه‌ین. ئه‌بێ دوای خۆمان پاکی بکه‌ینه‌وه‌ و هیچ زبڵێک به‌ جێ نه‌هێڵین. ئه‌بێ هه‌روه‌ها له‌ ئاگرکردنه‌وه‌ش ئاگاداربین. ئاگرکردنه‌وه‌ له‌ دارستان و نزیک دارستان له‌ ماوه‌ی نێوان 15 ی مانگی 4 و 15 ی مانگی 9 دا قه‌ده‌غه‌یه‌.

له‌ زۆربه‌ی شوێنه‌کان ئه‌توانین بار bær، قارچک و گوڵ بچنین، به‌ڵام له‌ باکوری نه‌رویج یاسا و بڕیاری تایبه‌ت هه‌یه‌ بۆ چنینی مۆڵته‌.

ئه‌بێ چی بکه‌ین بۆ پارێزگاری له‌ سروشت؟

Ansvarlig for disse sidene J.W. Cappelens Forlag AS. Læremidlet er utviklet med støtte fra Utdanningsdirektoratet. Tilbakemeldinger: intro@cappelen.no