Intro
Kurdisk • کردی

گواستنه‌وه‌ (هاتوچۆ)

نه‌رویج ووڵاتێکی باریک و درێژه‌. ووڵات هه‌رێمی گه‌وره‌ی شاخاوی به‌رزی هه‌یه‌، دارستانی گه‌وره‌ و ئاو و ده‌ریاچه‌ی قوڵی هه‌یه‌.

له‌ کۆندا گه‌ڕان له‌ نه‌رویج زۆر ئاسان نه‌بوو، به‌ڵام له‌ سه‌رده‌می ئێمه‌دا ڕێ و بان بۆ هه‌موو جێگایه‌کی ووڵات دروست کراوه‌. گواستنه‌وه‌ی گشتی به‌ باشی بنیاتنراوه‌. که‌لوپه‌لی گواستنه‌وه‌ی گشتی ئه‌کرێت پاس، شه‌مه‌نده‌فه‌ر، که‌شتی گه‌شتیار، به‌له‌می ئۆتۆمۆبیل و فڕۆکه‌ بن.

©Kjell Herskedal/Scanpix©Kjell Herskedal/Scanpix

به‌ درێژایی که‌ناره‌کانی ووڵات نزیکه‌ی 50000 دورگه‌ هه‌یه‌، و له‌ نزیکه‌ی 2000 یاندا مرۆڤ ئه‌ژین. هه‌ندێک له‌ دورگه‌کان به‌ پرد به‌ زه‌وىیه‌وه‌ په‌یوه‌ستن، له‌ کاتێکدا دورگه‌کانی تر په‌یوه‌ندىیه‌کانیان به‌ که‌شتی و به‌له‌مه‌. هه‌روه‌ها له‌م ساڵانه‌ی دواییدا تونێڵی ده‌ریاییش بۆ زۆر له‌ دورگه‌کان دانراون. ئه‌گه‌ر ئۆتۆمۆبیل لێبخوڕیت، یان شه‌مه‌نده‌فه‌ر یا به‌ پاس گه‌شتی ناو نه‌رویج بکه‌یت، زۆر تونێڵی ناوشاخت دێته‌ پێش.

ئه‌گه‌ر بته‌وێ سه‌باره‌ت به‌ ڕۆیشتنه‌کان و هاتنه‌کان، ڕاوه‌ستانه‌کان و شتی تری وه‌ک ئه‌وان له‌ بواری گواستنه‌وه‌ گشتىیه‌کاندا له‌ نه‌رویج بزانیت، ئه‌توانیت ته‌ماشای ماڵپه‌ڕه‌کانی rutebok.no و NSB یان نوسینگه‌ جیاجیاکانی گواستنه‌وه‌ بکه‌یت.

زۆربه‌ی ڕێگه‌و بانه‌کان له‌ نه‌رویجدا فه‌رمین. ده‌وڵه‌ت به‌رپرسیاره‌ له‌ چاودێری ڕێگا گه‌وره‌کان، واته‌ جاده‌کانی ووڵات و ڕێگا ئه‌وروپىیه‌کان. پارێزگاکان له‌ هه‌ندێک جاده‌ و شاره‌وانىیه‌کان له‌ هه‌ندێکی تریان به‌رپرسیارن.

کاتێک به‌ ئۆتۆمۆبیل به‌ ڕێگای تایبه‌تیدا بچیت هه‌ندێ جار ئه‌بێ پاره‌ی تێپه‌ڕبوون بده‌یت. ئه‌مه‌ بۆ هه‌ندێک ڕێگای گشتیشه‌. هه‌ر بۆ شاره‌ گه‌وره‌کانیش که‌ ئه‌چیته‌ ناویان، که‌ ئه‌چیته‌ ناو تونێڵێک، که‌ به‌ سه‌ر پردێکدا تێ ئه‌په‌ڕیت یا به‌ ڕێگایه‌کی ئاساییدا. خاڵی گومرگی پاره‌سه‌ندنه‌کان له‌ پرۆژه‌ی جاده‌کاندا زۆر ئاسایی بووه‌.

له‌و شوێنه‌ی تۆ لێی ئه‌ژیت کام وه‌سیله‌ی گواستنه‌وه‌ی گشتی به‌کاردێت؟

Ansvarlig for disse sidene J.W. Cappelens Forlag AS. Læremidlet er utviklet med støtte fra Utdanningsdirektoratet. Tilbakemeldinger: intro@cappelen.no