Intro
Kurdisk • کردی

کۆمه‌کی پاره‌ به‌ کاش

ئه‌و دایک وباوکه‌ که‌ مناڵی نێوان 1 و 3 ساڵیان هه‌یه‌ مافی وه‌رگرتنی کۆمه‌کی پاره‌ی کاشیان هه‌یه‌ له‌ ده‌وڵه‌ته‌وه‌. بۆ وه‌رگرتنی کۆمه‌کی پاره ئه‌بێ به‌ فه‌رمی بسه‌لمێنرێ که‌ مناڵ جێگه‌ی نه‌بێ له‌ باخچه‌ی مناڵان. ئه‌گه‌ر مناڵه‌که‌ چه‌ند کاتژمێرێک له‌ ڕۆژدا له‌ باخچه‌ی مناڵاندا بمێنێته‌وه‌، خێزانه‌که‌ی به‌شێک له‌ کۆمه‌کی پاره‌ وه‌رئه‌گرن. ئه‌و چه‌ند کاتژمێره‌ که‌ مناڵ له‌ باخچه‌ ئه‌مێنێته‌وه‌ بڕیار له‌سه‌ر ئه‌وه‌ ئه‌دات که‌ یارمه‌تی پاره‌که‌ چه‌ند ئه‌بێت. هیچ جیاوازىیه‌ک نىیه‌ ئه‌گه‌ر مناڵه‌که‌ له‌و به‌شه‌ کاته‌ دیاریکراوه‌ی بۆی دانراوه‌‌ که‌متریش له‌ باخچه‌ بمێنێته‌وه‌.

کۆمه‌کی پاره‌ هه‌موو مانگێک ئه‌درێت، خێزان له‌و پاره‌یه‌ باج نادات.

بڕیاری سه‌ره‌کی ئه‌وه‌یه‌ که‌ ئه‌و مناڵه‌ که‌ کۆمه‌ک‌ی پاره‌ی بۆ داوا ئه‌کرێت له‌ نه‌رویجدا نیشته‌جێیه‌. هه‌روه‌ها کۆمه‌کی پاره‌ ئه‌درێت به‌ دایک و باوکی مناڵێک که‌ له‌ ووڵاتێکی EØS دا جگه‌ له‌ نه‌رویج ئه‌ژین، ئه‌گه‌ر بۆ نمونه‌ یه‌کێکیان له‌ نه‌رویجدا کار بکات.

کۆمه‌کی پاره‌ ئه‌کرێت به‌ زووترین کات بدرێت له‌و مانگه‌وه‌ی که‌ مناڵه‌که‌ 1 ساڵ ته‌واو ئه‌کات، یان مانگێک دوای ته‌واوبوونی ده‌وامی باخچه‌ی مناڵان.

ئه‌گه‌ر ئه‌و مناڵه‌ که‌ خێزانه‌که‌ی کۆمه‌کی پاره‌ی بۆ وه‌رئه‌گرێت، که‌مێک یا به‌ ته‌واوی بچێته‌ باخچه‌ی مناڵان، ئه‌رکه‌ له‌سه‌ر دایک و باوکی که‌ فه‌رمانگه‌ ئاگادار بکه‌نه‌وه‌.

ڕێژه‌کانی خواره‌وه‌ له‌ 1 ی یانواری 2007 ه‌وه‌ ئه‌ژمێردرێن:

گرێبه‌ستی مانه‌وه‌ له‌ باخچه‌ی مناڵان له‌ هه‌فته‌یه‌کدا:کۆمه‌کی پاره‌ له‌ مانگێکدا‌:
0کاتژمێر3303 کرۆن
1-8 کاتژمێر2642 کرۆن
9-16 کاتژمێر1982کرۆن
17-24 کاتژمێر1321 کرۆن
25-32 کاتژمێر661کرۆن
33 کاتژمێر و زۆرتر0 کرۆن

بۆ زانیاری زیاتر له‌سه‌ر کۆمه‌کی پاره‌ به‌ کاش ته‌ماشای ماڵپه‌ڕی ناڤ بکه‌

Ansvarlig for disse sidene J.W. Cappelens Forlag AS. Læremidlet er utviklet med støtte fra Utdanningsdirektoratet. Tilbakemeldinger: intro@cappelen.no