Intro
Kurdisk • کردی

گه‌نجینه‌ی قه‌رزی ده‌وڵه‌ت بۆ خوێندن

گه‌نجینه‌ی قه‌رزی ده‌وڵه‌ت بۆ خوێدن (لۆنه‌کاسه‌) بانکێکی ده‌وڵه‌تىیه‌ که‌ پاره‌ به‌ قه‌رز ئه‌دات و کۆمه‌کی خوێندن (ستیپێند) ئه‌دات به‌ قوتابیان. فه‌رمانگه‌ سه‌ره‌کىیه‌کانی گه‌نجینه‌ی قه‌رزکردن له‌ ئۆسلۆن، به‌ڵام هه‌روه‌ها فه‌رمانگه‌ی هه‌رێمه‌کانی ستاڤانگه‌ر، بێرگن، ئۆرشتا، ترۆندهایم و ترومسۆش هه‌ن.

فکره‌ی دانانی گه‌نجینه‌ی قه‌رز ئه‌وه‌یه‌ که‌ هه‌موو ئه‌و که‌سانه‌ی که‌ ئاره‌زووی خوێندنی باڵایان هه‌یه‌ ده‌رفه‌تی ئه‌وه‌یان هه‌بێت که‌ به‌بێ هیچ په‌یوه‌ندىیه‌ک به‌ جوگرافیای جێگه‌ی ژیان، ته‌مه‌ن، ڕه‌گه‌ز، ئابوری و بارودۆخی کۆمه‌ڵایه‌تی بخوێنن. گه‌نجینه‌ی قه‌رز له‌ ساڵی 1947 دا دامه‌زرا.

ئه‌گه‌رچی خوێندنی باڵا له‌ نه‌رویج تا ڕاده‌یه‌کی زۆر به‌ خۆڕایىیه‌، ئه‌بێ خوێندکاران پاره‌ی ژیانیان هه‌بێ. په‌ڕتوک و که‌لوپه‌لی تری خوێندن به‌ پاره‌ن، هه‌روه‌ها خانوو، خواردن و جلوبه‌رگیش. زۆر له‌ خوێندکاران له‌ ماوه‌ی خوێندنه‌که‌دا کارێکی چه‌ند کاتژمێری ئه‌که‌ن. به‌ڵام زۆربه‌یان له‌ گه‌نجینه‌ی قه‌رز پاره‌ قه‌رز ئه‌که‌ن.

کاتێک خوێندکاره‌کان له‌ تاقیکردنه‌وه‌ ده‌رئه‌چن، به‌شێک له‌ قه‌رزه‌که‌ ئه‌کرێ به‌ ستیپێند (کۆمه‌کی خوێندن). ستیپێند نادرێته‌وه‌.

ئه‌مڕۆ گه‌نجینه‌ی قه‌رز 740000 مشته‌ری هه‌یه‌. له‌ نێوان ساڵانی 2003-2004 دا 263000 که‌س کۆمه‌کی خوێندنیان وه‌رگرت. ئه‌م مشته‌ریانه‌ به‌گشتی 9،7 ملیارد کرۆنیان به‌ قه‌رز وه‌رگرت. هه‌مان ئه‌و که‌سانه‌ بڕی 6،4 ملیار کرۆنیان وه‌ک ستیپێند وه‌رگرتووه‌.

بۆ زانیاری زیاتر له‌سه‌ر قه‌رزی خوێندن ته‌ماشای ماڵپه‌ڕی گه‌نجینه‌ی قه‌رز بکه‌. Lånekassen

Ansvarlig for disse sidene J.W. Cappelens Forlag AS. Læremidlet er utviklet med støtte fra Utdanningsdirektoratet. Tilbakemeldinger: intro@cappelen.no